OneID orqali shaxsiy ma’lumotlardan foydalanishga ruxsat taqdim etish
Kapitalbankka shaxsiy ma’lumotlardan foydalanishga ruxsatni qanday taqdim etish mumkin:Qisqa videoni tomosha qiling - 1 daqiqada butun jarayonni ko‘rsatamiz.
Raqamli bank xizmatlaridan foydalanishda mijozlarning shaxsiy ma’lumotlarini himoya qilishga alohida e’tibor beriladi.
Kreditni rasmiylashtirish uchun shaxsingizni tasdiqlashimiz va davlat tizimlaridan shaxsiy ma’lumotlaringizni olishimiz zarur. Buning uchun ma’lumotlarni ulashishga roziligingiz talab qilinadi.
Bu OneID – O‘zbekiston Respublikasi "Raqamli hukumat" tizimi foydalanuvchilarini identifikatsiyalashning yagona axborot tizimi orqali amalga oshiriladi.
Imkoniyat taqdim etish orqali siz bankka arizangizni qayta ishlash uchun zarur ma’lumotlarni xavfsiz olishga ruxsat berasiz. Ma’lumotlar faqat sizning roziligingiz bilan ulashiladi va siz istalgan payt ruxsatni o‘zgartirishingiz yoki bekor qilishingiz mumkin.
Jarayon bepul va sizning vaqtingizni besh daqiqadan ko‘p olmaydi.
Qisqacha yo‘riqnoma:
1. OnelD mobil ilovasini yuklab oling
2. MyID orqali avtorizatsiyadan o’ting
3. Selfi olish orqali shaxsingizni tasdiqlang
4. PIN kodni o‘rnating va ilovaga kiring
5. "Boshqaruv" bo‘limiga o‘ting va shartlar va "Xizmatni faollashtirish" bandi bilan tanishganingizni tasdiqlang.
6. Qidiruv panelidan "KAPITALBANK"ni toping
7. Ro‘yxatdan bankni tanlang va "Ruxsat berish" tugmasini bosing.
8. "Kengaytirilgan sozlamalar" bo‘limida bir vaqtning o‘zida "JSHSHIR" va "Pasport seriyasi va raqami" orqali kirish imkoniyati mavjud ekanligini tekshiring
Tayyor, endi kredit arizasini rasmiylashtirishni davom ettirishingiz mumkin.